बैतडी : तीन वर्षमा २ सय जना बेपत्ता

बैतडी : तीन वर्षमा २ सय जना बेपत्ता

गोकुलेश्वर । बैतडीबाट पछिल्लो तीन वर्षमा दुई सय जना हराएका छन्। आर्थिक वर्ष २०७६/७७ देखि २०७८/७९ सम्म एक सय ८९ जना हराएको जिल्ला प्रहरी प्रवक्ता तथा प्रहरी निरीक्षक लोकराज जोशीले जानकारी दिए। उनका अनुसार आव २०७६/७७ मा ४५, २०७७/७८ मा ६०, आव २०७८/७९ मा ८४ जना हराएका हुन्।

सो अवधिमा हराएकामध्ये अधिकांश महिला तथा बालबालिका रहेका छन्। हराएकामध्ये आव २०७६/७७ मा ३८, २०७७/७८ मा ३९, आव २०७८/७९ मा ५३ जना फेला परिसकेका छन् । ५९ जना अझै सम्पर्कविहीन रहेका छन्।

हराएकाको अझै पनि जिल्लास्थित मातहतका प्रहरी चौकी तथा छिमेकी जिल्लामा हुलिया एवं तस्वीरसहित पत्राचार गरिएको र खोजी भइरहेको छ। हराउने महिला तथा बालबालिकामध्ये केही प्रहरीको सक्रियतामा भेटिन्छन् भने केही आफन्तकै पहलमा भेटिने गरेका छन्। हराउने बेला प्रहरीलाई खबर गर्ने गरेका भए पनि धेरै जना भेट्टिएका भए पनि प्रहरीमा खबर नगर्ने पनि गरेका छन्।

Leave a Reply

Your email address will not be published. Required fields are marked *