जिल्लाभरीमै सर्वाधिक मतले विजयी हुने शैल्यशिखरकी उपमेयर खडायत को हुन्?

जिल्लाभरीमै सर्वाधिक मतले विजयी हुने शैल्यशिखरकी उपमेयर खडायत को हुन्?

गोकुलेश्वर । दार्चुलामा धेरै जसो स्थानीय तहको चुनावी नतिजा आइसकेको छ भने केही स्थानीय तहको मत परिणाम आउन बाँकी रहेको छ।

दार्चुलाका दुईटै ठूला स्थानीय तह शैल्यशिखर नगरपालिका र महाकाली नगरपालिकाको चुनावी नतिजा सार्वजनिक भइसकेको छ।

नतिजा सार्वजनिक भएसंगै उम्मेदवारहरुले पाएको मतको पनि चर्चा भइरहको छ।

दार्चुला जिल्लाभरीमा सर्वाधिक मतका साथ विजयी भएकामा नेकपा एमालेका तर्फबाट शैल्यशिखर नगरपालिकाका उपमेयरका उम्मेदवार रहेका शान्ती खडायत रहेका छन्। उनले जिल्लाभरीमा पालिका प्रमुखहरुलाई पनि उछिन्दै सबैभन्दा बढी मत हात पारेकि छिन्।

स्थानीय निर्वाचन २०७९मा शैल्यशिखर नगरपालिकाको नगरप्रमुख र उपप्रमुखमा खसेको जम्मा १०,६८३ मतमध्ये ५,६४८ मतका साथ जिल्लामा सर्वाधिक मत ल्याउने विजयी जनप्रतिनिधि बनेकी छिन्।

को हुन् विजयी उपमेयर खडायत?
शैल्यशिखर-१ बलाँचका शान्ती खडायत उमेरले ४० वर्ष टेक्दै गरेकी छिन्। उनको जन्म दार्चुलाकै साविकको शर्मोली गाविस तथा हालको लेकम गाउँपालिका-१मा भएको हो।

गरिब परिवारमा जन्मिएकी खडायतको माइती परिवार भने साउँद हुन्। हुर्कदैंदेखि नै गाउँमा दिनहुँ हुने घासदाउरा, पाखापखेरा, गाईबाख्राभैँसी चराउनेदेखि खेतको कामसम्म भ्याउने उनी समय निकालेर अध्ययन गर्ने गर्थिन्। उनको बाल्यअवस्थादेखि किशोरावस्था त्यसैगरी गाउँमै मकैको रोटी, महीं, हरियो धनियाँ र नुनसँगै बित्यो। उनका लागि त्यतिबेला भात र गहुँको रोटी खान पाउनु भनेको तिहारकै दिन आए जस्तै हुन्थ्यो।

वर्षौ लगाउनु पर्ने एउटै स्कुले कपडाहरु, फाटेर टालेका अन्य कपडाहरु र दिनहु गाउँघरकै कामको बाहेक उनी आफ्नो समय निकालेर पढ्न भने अब्बल रहेको अझै पनि उनका स्कुलका शिक्षकहरु बताउँछन्। समयबित्दै गयो उनी आफ्नो जीवनमा दु:ख सुख गरेर अध्ययनमा उत्कृष्ट हुँदै गइन। उनले अध्ययनकै क्रममा स्कुले बालबालिकालाई पढाउने शिक्षण पेशा समेत अंगालिन्।

यसरी समय बित्दै जादाँ उनको बिवाह साविकको बलाँच गाविस र हालको शैल्यशिखर नगरपालिका वडा नं. १ का खडायत परिवारसंग भयो। एउँटै भेग र समुदाय बुझेको परिवारसंग उनको बिवाह भएपछि उनको जीवनमा केही परिवर्तन आयो। सानै उमेरदेखि पढाइमा उत्कृष्ट उनीले सोचेभन्दा राम्रोसाथ आफ्नो श्रीमानबाट पाए।

बिहेपछिको केही समयमा श्रीमानसंगै उनी दार्चुला खलंगामा बस्न थाले। उनीले खंलगास्थित दार्चुला बहुमुखी क्याम्पसबाट बीएडमा स्नातक उतिर्ण गरिन्। ततपश्चात खलंगाकै बसाईका क्रममा तत्कालिन जिल्लास्थित जिल्ला उर्जा शाखा कार्यालयमा वित्त प्रशासक भएर पनि काम गरिन्।

किशोरावस्था देखि नै छुवाछुत, भेदभाव, कुप्रथा, हेपाहा प्रविति, अन्धविश्वासको घोर विरोध गर्ने उनी क्रान्तिकारी र अटेरी स्वभावकी महिला थिइन्। विस्तारै बुझ्दै र समाज परिवर्तनका लागि अध्ययन गर्दै जाँदा आफू एक क्रान्तीकारी नारी भएकी महशुस गरिन्। उनीले आफ्नो जीवनस्तर त माथि उकासिने जस्तो देखिन तर आफ्नै बाल्यकालका दौतरी साथीहरु, गाउँले आमा, भाउजू, दिदी, बहिनीहरु अझ उस्तै गाउँको जीवनका सम्याहरुको उस्तै भोगाइले उनको मानसपटलमा सताइरहन्थ्यो।

यसैबीच उनलाई आफ्नो श्रीमानको पूर्णसाथ मिल्यो र यस्ता समस्या राजनीतिकै माध्यमबाट समाधान हुने सोचका साथ उनी विसं २०६२ सालमा नेकपा एमालेको सदस्यता लिइन्। ततपश्चात खुलेर राजनीतिमा आउने उत्कट इच्छा हुदाँहुदै पनि आफ्ना हुर्कदैं गरेका साना छोराछोरीका कारण खुलेर राजनीतिमा आउन सकिनन् तर पार्टीका बैठक तथा विभिन्न कार्यक्रमहरुमा सहभागी देखाउँदै गइन्।

ततपश्चात उनी दार्चुलाबाट काठमाडौंका लागि गइन्। काठमाडौं जाने उनको एक मात्र कारण थियो दार्चुलाका महिलाहरु विभिन्न कारणले घरेलु र अन्य हिंसा परिरहेका छन् र उनका लागि दार्चुलामा लड्ने कोही महिला अधिवक्ताहरु छैनन्।

उनले काठमाडौंमा ३ वर्ष लगाएर कानुनमा स्नातक गरिन्। काठमाडौंमा कानुनी अनुभवहरु बटुल्दै जाँदा उनको सामु नजिकै अहिलेको स्थानीय तहको चुनाव आइपुग्यो। यसैबीच उनले सोचिन् मेरो लागि मेरो क्षेत्रका महिलाहरु र क्षेत्रको लागि अहिलेसम्म मेरो मेहनत, सिप, क्षमता, अनुभव र काम गरेर देखाउने आफू परिपक्व रहेको महशुस गर्दै यो चुनावलाई सोही काम गर्नका लागि एक माध्यम बनाएर शैल्यशिखर फर्किन् पार्टीले बुझे उपमेयरमा आफ्नो उम्मेदवारी दिने सोचसहित।

उनले सोचे अनुरुप सर्वसम्मत एमालेबाट शैल्यशिखरको उपमेयरका लागि सिफारिस भइन्।

हालपनि एमाले निकट दार्चुला काठमाडौं सम्पर्क मञ्चकि उपसचिवसमेत रहेकी उनी जिल्लामा पार्टीगत हिसाबमा हेर्दा सबैभन्दा शिक्षित, कानुन बुझेको, अनुभवी र युवा नेतृ हुन्। उनीसँग निर्वाचित भइसकेपछि नगर उपप्रमुखको प्रमुख जिम्मेवारी मध्येको एक न्यायीक समितिले गर्ने काम सशक्त गर्नसक्ने उनमा क्षमता रहेको छ।

यसैगरी आफ्नै गाउँघरमा हुर्केकी र गाउँघर बुझेकी उनी महिला शसक्तिरण र नगरपालिकाको विकासका लागि योजना भएकी अहिलेकी शिक्षित नेतृसमेत हुन्। मिलनसार र सहज स्वभाव भएकी उनी शैल्यशिखर नगरपालिकाको जनताले नेतृत्व गर्ने मौका दिएको र महिला सश्तिकरण, न्यायिक क्षेत्र, वित्तिय क्षेत्रमा आफ्नो अनुभव रहेको बताउँदै नगरपालिकाको विकासका लागि धेरै योगदान गर्ने बताउछिन्।

Leave a Reply

Your email address will not be published. Required fields are marked *