बैतडी : एमाले प्रचारप्रसारमा भारतीय गाडी

बैतडी : एमाले प्रचारप्रसारमा भारतीय गाडी

गोकुलेश्वर। स्थानीय तहको निर्वाचनको प्रचारप्रसारमा बैतडीमा भारतीय गाडी प्रयोग भएको छ। नेकपा एमालेको तर्फबाट दोगडाकेदार गाउँपालिकाको वडा नम्बर ७ मा वडाध्यक्षका उम्मेदवार रहेका दिनेशप्रसाद भट्टले आचारसंहिता विपरित भारतीय गाडी प्रयोग गरेका छन्।

निर्वाचन आयोगले उम्मेदवारको तह अनुसार गाडी प्रयोग गर्न आचारसंहितामै उल्लेख गरेको भएपनि भट्टले भारतीय नम्बर प्लेटको गाडीमा एमालेको चुनाव चिह्न र झण्डा प्रयोग गरेका छन् ।

निर्वाचन आचारसंहितामा नेपालमा दर्ता भएका गाडीहरु निर्वाचन प्रयोजनको लागि एक प्रत्यक्ष उम्मेदवारले अधिकतम दुई ओटा हल्का सवारी साधन निर्वाचन अधिकृतको कार्यालयबाट स्वीकृत लिई सञ्चालन गर्न पाउने प्रावधान रहेको मुख्य निर्वाचन अधिकृत तिलकबहादुर कार्कीले जनाकारी दिए।

उनले कुनैपनि उम्मेदवारले विदेशी नम्बर प्लेटका गाडी प्रयोग गर्न नपाइने आचारसंहितामा प्रष्ट उल्लेख भएको मुख्य निर्वाचन अधिकृत कार्कीले बताए।

Leave a Reply

Your email address will not be published. Required fields are marked *

तपाईंलाई यो समाग्री कपी गर्न बन्द गरिएको छ। यसका लागि चौलानी खबरसँग अनुमति माग्नुहोस्।